Tur til Thailand 17/12-2001 - 17/1-2002

I Hua Hin leigde me ein dag ein bil med sjåfør for å kjøra rundt i området og få med oss det som var å sjå. Sjåføren kunne svært lite engelsk, men det gjekk stort sett greitt å kommunisera.

Me visste ikkje alltid kor me havna hen, men først skulle me på elefantriding, seinare var det på orkide-gartneri, slangeshow, buddhistisk tempelområde, dyrepark. Me trudde jo eigentleg me var på veg heim då me kom til dyreparken men det var me tydelegvis ikkje...

For å sleppa å kjøra lange omvegar for å komma til motsatt side av motorvegen kryssa han vegen ein plass det var muleg å kryssa vegen ikkje så langt forbi der me skulle til og køyrde mot køyreretninga på vegskuldera. Dette var heilt vanleg i Thailand etter som me forstod

Prisen for eig dag med privatsjåfør var 350 baht, eller ca 50 kr!

Me kom tilfeldigvis borti ein autentisk 'begravelse'. Munkar sprang rundt 'kapellet' og etterpå kom familien med bilete av den døde. Det vart kasta ut pengar som det var viktig å fa tak i, eg veit ikkje heilt kvifor. Me forstod vel ikkje heilt kva som foregjekk, all den tid sjåføren vår ikkje kunne gi noka god forklaring på engelsk.